søndag 14. februar 2010

Kjøkenbordsstudie - kjønna bildefordeling i Klassekampen

Frukost er jo tida for å lesa avisa også i min heim - omlag den einaste tida eg får lest avis - sjølv om eg av og til lurer på om eg eigentleg burde ha site og snakka med litjpia og vore ei flink, stimulerande mor. Heldigvis har eg slått det frå meg. Det får vera måte på.

Så då har eg tid til å ta for meg post og aviser. Øvst låg Spor, Domkirken menighet sitt blad. Eg er ikkje medlem og har faktisk aldri vore innmeldt i statskyrkja sjølv om eg på eit tidspunkt måtte melda meg ut berre grunna det faktum at eg er fødd i Noreg. Vel, eg har gitt opp å tru at eg kan sleppa å få desse kyrkjelydsblada for dei er på kommunen sitt distribusjonnett. No går eg forresten i open barnehage i Nykirken og syng om Gud kvar dag.

Men det var denne undersøkinga. Det gjeld då Klassekampen. Eg sat og las og merka meg at mest alle bilda var av menn. Ville jo helst ikkje tru det, og tenkte at det sikkert var reint tilfeldig så eg tok for meg neste dags avis. Same greie der. Så no har eg sett på fem etterfølgande aviser. Eg har utelatt debattinnlegga,  og programsidene til TV.
9. februar: kvinner 18, menn 28
10. februar: kvinner 16, menn 36
11. februar: kvinner 19, menn 44
12. februar: kvinner 11, menn 25
13. februar: kvinner 25, menn 39
Bokmagasinet 13. februar: kvinner 14, menn 17
Det vil seia at 65% av bildene er av menn.

Dette var raskt rekna så det kan jo vera eit par til eller frå, men det skulle likevel vera statistisk signifikante skilnader. Tilfeldig? Neppe.

3 kommentarer:

Unknown sa...

Hei Mette. Dette var jo interessant. Bra du bruker tiden ved Kjøkkenbordet til noe fornuftig utover brød og kaffe. Jeg leser div aviser hver dag, og synes Klassekampen har skilt seg fra de andre med mange kvinner... Relativt sett stemmer det jo -sammenlignet med DN, Finansavisen osv- og problemet er større for de andre enn Klassekampen.

Mette sa...

Ja, det er nedslåande greier og viss ein byrjar å sjå kvalitativt på korleis bilete av kvinner vert brukt og ikkje berre kvantitativt så er det sikkert endå kjipare.

lise sa...

Tenkte bare jeg skulle gratulere deg med dagen, Mette!